Maro Man Vandaro re

म्हारो मन वोंदरो

 

मारो मन वांदरो रे ओ तो घणी रे फदाको मारे,

फद फद फद फद मारे रे फदाको नही कोई ने धारे || मारो || १ ||

 

कदीक ध्यावे शिखरजी ने सिद्धगिरी पर चढ जावे,

आदिनाथ रा दरशन करने घडी पलक में आंवे || मारो || २ ||

 

मुछाला महावीर मनावे राणकपुरजी जावे,

गोडवाडरी पंच तीरथ में लटका लेकर आवे || मारो || ३ ||

 

आबुजीरा अचलगढ में नाथ निरन्जन पावे, 

हीरा पन्नारी लडियो रे लाकर प्रभुजी की अंगिया रचावे || मारो || ४ || 

 

ढोलक तबला पेटी रे बाजा संग गीतडा गावें, 

सपना में शंखेश्वर पारसनाथ ने घणा मनावे || मारो || ५ ||

 

प्रभु भजन मे गेलो होकर भक्ती री धूम मचावे, 

झीलवाड़ा मंडल प्रभुजी रे आगे लट पट नाच नचावे || मारो || ६ ||